Հոկտեմբերի 29-31-ը պաշտպանության ոլորտում Հայաստանի Հան­րապետության ու Մեծ Բրիտանիայի և Հյուսիսային Իռլանդիայի Միացյալ Թագավորության միջև երկկողմ համագործակցության շրջանակում ՀՀ ՊՆ պաշտպանական ազգային հետազոտական համալսարանում անցկացվել է «Ռազմավարության կերտում» խորագրով աշխատաժողով։

Միացյալ Թագա­վորության Արքայական միավորված ծառայությունների ինստիտուտի (ՌՈՒՍԻ) գիտաշխատողի անցկացրած պարապմունքներին մասնակցել է ՀՀ ՊՆ և ՀՀ ԶՈՒ ԳՇ կառուցվածքային ստորաբաժանումների ղեկավար կազմը։

Բանախո­սությունների ընթացքում մասնակիցները վերահասու են դարձել պաշտպանական քաղաքականության և պաշտպանության ռազմավարական վերանայման, պաշտ­պանության ռազմավարության կերտման և պլանավորման առաջավոր փորձին, ՀՀ-ում այդ ոլորտներում արձանագրված խնդրահարույց հարցերին և դրանց հաղթահարման ուղիներին։